නැගෙනහිර නාවික විධානයට අනුයුක්ත නාවිකයින් පිරිසක් විසින් ඊයේ (19) ත්‍රිකුණාමලය නෝර්වේ දූපතට ඔබ්බෙන් වූ මුහුදු සීමාවේදී තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත පුද්ගලයින් 7 දෙනෙකු අත්අඩංගුවට ගෙන ඇත.

‍එහිදී, ඩිංගි යාත්‍රාවක්, මීටර් 225 ක පමණ දිගකින් යුත් තහනම් දැලක්, කිමිදීම ‍සඳහා යොදා ගන්නා මුහුණු ආවරණ 2 ක් සහ අල්ලන ලද මසුන් කිලෝග්‍රෑම් 300 ක් පමණ ද අත්අඩංගුවට පත් විය. එම පුද්ගලයන්, යාත්‍රාව, මසුන් තොගය සහ අනෙකුත් ආම්පන්න ඉදිරි පරීක්ෂණ කටයුතු සඳහා ත්‍රිකුණාමලය සහකාර ධීවර අධ්‍යක්ෂක කාර්යාලය වෙත භාර දීමට කටයුතු කෙරිණි.