RCYC රුවල් යාත්‍රා සංගමය මගින් සංවිධානය කරනු ලබන ‘TRINCO BLU රුවල් යාත්‍රා තරඟාවලිය පසුගිය ජුනි මස 29 සහ 30 යන දෙදීන තුල ත්‍රිකුණාමලය, ට්‍රින්කෝ බ්ලූ (TRINCO BLU ) හෝටලය ඉදිරිපිට මුහුදු තීරයේ දී ඉතා සාර්ථක අයුරින් පැවැත්විණි.

එම තරඟාවලිය සඳහා නාවික හමුදා රුවල් යාත්‍රා ක්‍රීඩා සංචිතය, සිලෝන් මෝටර් රුවල් යාත්‍රා සමාජය (CMYC), කොළඹ අන්තර්ජාතික නාවික හා ඉංජිනේරු විද්‍යාලීය රුවල් යාත්‍රා සමාජය (CINEC), රුහුණු රුවල් යාත්‍රා සමාජය (RSA), කොළඹ රාජකීය විද්‍යාලය (Royal College) ‍සහ ගල්කිස්ස ශාන්ත තෝමස් විද්‍යාලීය රුවල්යාත්‍රා සමාජ (St Thomas College) යන රුවල් යාත්‍රා ක්‍රීඩා සමාජ නියෝජනය කරමින් ක්‍රීඩකයින් 56 දෙනෙකු රුවල් යාත්‍රා 49 කින් සහභාගී වූ අතර, මෙම තරඟාවලිය නැරඹිම සඳහා දෙස් වි‍දෙස් සංචාරකයින් බොහෝ පිරිසක් සහභාගී වී සිටියහ. එහිදී පවත්වන ලද විවිධ ඉසව්වලින් ප්‍රථම, දෙවන සහ තෙවන ස්ථාන හිමිකර ගනිමින් සියළුම රුවල් ඔරු සමාජ අභිබවා නාවික හමුදාව ජයග්‍රහණ අත්කර ගැනීමට සමත් විය.