පසුගිය සැප්තැම්බර් 03 වන දින ශ්‍රී ලංකාවට නැගෙනහිර මුහුදේදී ගිනිගැනීමක් හේතුවෙන් ආපදාවට පත් MT NEW DIAMOND නැමති බොරතෙල් ප්‍රවාහන නෞකාවේ එම සිදුවීම හේතුවෙන් බරපතල ලෙස තුවාල ලබා සිටි නෞකා කාර්ය මණ්ඩලයේ තෙවන ඉංජිනේරු නිලධාරියාගේ ජීවිතය බේරාගැනීමේ මෙහෙයුමට සම්බන්ධවූ නාවික පුද්ගලයන්ගේ එම සුවිශේෂී ක්‍රියාව අගයා ඔවුන් වෙත නාවික හමුදාධිපති වයිස් අද්මිරාල් නිශාන්ත උළුගේතැන්න විසින් ප්‍රශංසාත්මක ලිපි ලබා දීම නාවික හමුදා මූලස්ථානයේදී සිදු කෙරිණි.

ශ්‍රී ලංකා නාවික හමුදාවේ රාජකාරී නියුතු ජ්‍යේෂ්ඨ නාවිකයින් 75 දෙනෙකු සඳහා රුපියල් ලක්ෂ පහ (5) සහ ප්‍රථම වරට නායකනැවි තරාතිරමේ නාවිකයින් 60 දෙනෙකු සඳහා රුපියල් ලක්ෂ දෙක (2) බැගින් වූ පොලී රහිත ණය මුදල් ලබා දීම අද (2020 සැප්තැම්බර් 21) නාවික හමුදාධිපති, වයිස් අද්මිරාල් නිශාන්ත උළුගේතැන්න ගේ ප්‍රධානත්වයෙන් නාවික හමුදා මූලස්ථානයේ සෝමතිලක දිසානායක ශ්‍රවණාගාරයේදී සිදු කෙරුණි.

සන්නද්ධ හමුදා සේනාධිනායක සහ අතිගරු ජනාධිපති ගෝඨාභය රාජපක්‍ෂ මැතිතුමා විසින් රියර් අද්මිරාල් කපිල සමරවීර පසුගිය සැප්තැම්බර් 12 වන දින සිට නාවික හමුදා මාණ්ඩලික ප්‍රධානී ධූරයට පත් කරන ලදි.

සමුද්‍රීය පරිසර ආරක්‍ෂණ අධිකාරිය (MEPA) විසින් සංවිධානය කරන ලද “අන්තර්ජාතික වෙරළ පවිත්‍රතා දිනය සහ ජාතික සමුද්‍ර සම්පත් සුරැකීමේ සතිය - 2020” හි සමාරම්භක උත්සවය ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු අග්‍රාමාත්‍ය මහින්ද රාජපක්‍ෂ මැතිතුමන්ගේ ප්‍රධානත්වයෙන් අද (2020 සැප්තැම්බර් 19) ගල්කිස්ස වෙරළ තීරයේදී පැවැත්වුණු අතර, ඒ සඳහා නාවික හමුදාධිපති, වයිස් අද්මිරාල් නිශාන්ත උළුගේතැන්න සහභාගී විය.

උතුරු නාවික විධානයේ ආඥාපති වශයෙන් රියර් අද්මිරාල් සෙනරත් විජේසූරිය 2020 සැප්තැම්බර් 18 වන දින එම විධාන මූලස්ථානයේදී වැඩ භාර ගන්නා ලදී.

කොළඹ, රාජකීය විද්‍යාලයේ දිප්තිමත් ආදි ශිෂ්‍යයෙකු වන නාවික හමුදාධිපති, වයිස් අද්මිරාල් නිශාන්ත උළුගේතැන්න වෙත නාවික හමුදාවේ 24 වන නාවික හමුදාධිපති ලෙස පත්වීම සම්බන්ධයෙන් බුහුමන් දැක්වීමේ උත්සවයක් අද (2020 සැප්තැම්බර් 18) කොළඹ රාජකීය විද්‍යාලීය පරිශ්‍රයේදී පැවැත්විය.

නාවික හමුදා පුද්ගලයින් බෝ නොවන රෝගයන්ගෙන් ආරක්‍ෂා කරමින් ඔවුන්ගේ සෞඛ්‍ය තත්වය ප්‍රවර්ධනය කිරීමේ අරමුණින් ‘පුහුණු කරන්නන් පුහුණු කිරිමේ’ වැඩමුළුවක් 2020 සැප්තැම්බර් 16 වන දින නාවික හමුදා මූලස්ථානයේ අද්මිරාල් සෝමතිලක දිසානායක ශ්‍රවනාගාරයේදී පවත්වන ලදි.

ශ්‍රී ලංකාවේ ඇෆ්ගනිස්ථානු ඉස්ලාමීය ජනරජයේ තානාපති, අතිගරු එම්. අෂ්රෆ් හයිදාරි (M Ashraf Haidari) අද (2020 සැප්තැම්බර් 16) නාවික හමුදා මූලස්ථානයේදී නාවික හමුදාධිපති වයිස් අද්මිරාල් නිශාන්ත උළුගේතැන්න හමුවිය.

නැගෙනහිර නාවික විධාන ආඥාපති විසින් ඉන්දීය වෙරළ ආරක්‍ෂක දෙපාර්තමේන්තුවට අයත් ‘සුජේ’ (ICGS Sujay) සහ ‘සමුද්‍ර පෙහෙරිදාර්’ (ICGS Samudra Paheredar) නෞකාවන්ගේ අණදෙන නිලධාරීන් ත්‍රිකුණාමලයේදී හමුවී ‘එම්ටී නිව් ඩයමන්ඩ්’ නෞකාවේ ඇති වූ ආපදා තත්වය කළමණාකරනය කිරීම සඳහා දැක්වූ විශිෂ්ඨ සහයෝගය සම්බන්ධයෙන් සිය කෘතඥතාවය පල කර සිටින ලදි.

ගිණි‍කොන නාවික විධානයේ වැඩබලන ආඥාපති වශයෙන් කොමදෝරු ජයන්ත ගමගේ 2020 සැප්තැම්බර් 15 වන දින එම විධාන මූලස්ථානයේදී වැඩ භාර ගන්නා ලදී.