නාවික හමුදාව විසින් 2020 ජනවාරි 29 වන දින යාපනය, කීරමලේ, මර්සන්කුඩා ප්‍රදේශයේ සිදු කරන ලද මුර සංචාරයක් අතරතුර නීති විරෝධි දැල් භාවිතා කරමින් ධීවර කටයුතු වල නිරතවූ පුද්ගලයින් සිව් දෙනෙකු (04) නාවික හමුදා භාරයට ගැනීමට කටයුතු කර ඇත.

ශ්‍රී ලංකා නාවික හමුදාව විසින් 2020 ජනවාරි 29 වන දින කුදිර‍මලේ ප්‍රදේශයට ඔබ්බෙන් වූ මුහුදු ප්‍රදේශයේදී නීති විරෝධී ලෙස මුහුදු මාර්ග ඔස්සේ ප්‍රවාහනය කරමින් තිබූ රත්‍රං තොගයක් සමඟ ඉන්දියානු ජාතික පුද්ගලයින් සිව් දෙනෙකු (04) නාවික හමුදා භාරයට ගෙන ඇත.

ශ්‍රී ලංකා නාවික හමුදාව 2020 ජනවාරි 29 වන දින ත්‍රිකුණාමලය, එරක්කණ්ඩි වෙරළ තීරයේ සිදු කළ සෝදිසි මෙහෙයුමකදී ගලක් අසල සඟවා තිබූ පුපුරණ ද්‍රව්‍ය තොගයක් සොයා ගැනීමට හැකිවී ඇත.

නාවික හමුදාව සහ පොලිසිය එක්ව 2020 ජනවාරි 29 වන ‍‍‍‍දින පුදුකුඩිඉරිප්පු ප්‍රදේශයේ සිදු කල සෝදිසි කිරීමකදී මාර්ගයක් අසල පොලොව යට සඟවා තිබූ ජීවී අත් බොම්බ දහඅටක් (18) සොයා ගන්නා ලදී.

නාවික හමුදාව විසින් 2020 ජනවාරි 28 වන දින මුල්ලිකුලම් වලට ඔබ්බෙන් වූ මුහුදු ප්‍රදේශයේ සිදු කරන ලද මුර සංචාරයක් අතරතුර නීති විරෝධි ලෙස ධීවර කටයුතු වල නිරතවූ පුද්ගලයින් පස්දෙනෙකු (05) නාවික හමුදා භාරයට ගැනීමට කටයුතු කර ඇත.

නාවික හමුදාව විසින් 2020 ජනවාරි 28 කෝවිලන් ප්‍රදීපාගාරයට බටහිර දෙසින් වූ මුහුදේ ධීවර දැලක පැටලී සිටි ‘ඔලිව් රිඩ්ලි’ වර්ගයේ කැස්බෑවකු බේරා ගැනීමට සමත් වී ඇත.

නාවික හමුදාව සහ පොලිස් මත්ද්‍රව්‍ය නිවාරණ කාර්යංශය සමග එක්ව 2020 ජනවාරි 28 වන දින මන්නාරම, ශාන්තිපුරම් ප්‍රදේශයේ සිදු කළ වැටලීමකදී කේරළ ගංජා සමඟ පුද්ගලයින් තිදෙනෙකු (03) අත්අඩංගුවට ගෙන ඇත.

තෙදින නිල සංචාරයක් සදහා පැමිණ සිටි පිලිපීන නාවික හමුදාවට අයත් ‘රමොන් අල්කරාස්’ (Ramon Alcaraz) සහ ‘ඩවාවෝ ඩෙල්සූර්’ (Davao Delsur) යන නෞකාවන් අද (2020 ජනවාරි 29) දිවයිනෙන් පිටත්ව යන ලදී.

ශ්‍රී ලංකාවේ නිල සංචාරයක නිරතව සිටි පකිස්තානු නාවික හමුදාධිපති, අද්මිරාල් සෆර් මහමුද් ශ්‍රී ලංකා සංචාරය සාර්ථකව නිමාවට පත් කරමින් අද (2020 ජනවාරි 29) පෙරවරුවේ දිවයිනෙන් පිටත් විය.

ශ්‍රී ලංකා නාවික හමුදාව විසින් දෙවන වරටත් සංවිධානය කරනු ලැබූ කොළඹ නාවික අභ්‍යාසයයේ (Colombo Naval Exercise –CONEX 20) පළමු දිනය 2020 ජනවාරි 28 වන දින සාර්ථකව නිමා කරන ලදි.