පසුගිය දෙසැම්බර් මස 9 වන දිනට යෙදී තිබූ ශ්‍රී ලංකා නාවික හමුදාවේ 69 වන සංවත්සරයට සමගාමීව 2019 දෙසැම්බර් 27 වන දින කැලණිය රජමහා විහාරස්ථානයේදී බෞද්ධාගමික වැඩසටහනක් පවත්වන ලදී. නාවික හමුදා සංවත්සරය නිමිත්තෙන් සංවිධානය කළ ආගමික වැඩසටහන් මාලාවේ අවසන් වැඩසටහන වශයෙන් එය හැඳින්විය හැක.

ශ්‍රී ලංකා නාවික හමුදාව සතු වේග ප්‍රහාරක මිසයිල නෞකාවක් වන ශ්‍රී ලංකා නාවික නෞකා නන්දිමිත්‍ර නෞකාවේ නව අණදෙන නිලධාරී වශයෙන් කපිතාන්(මාලිමා) නිමල් රණසිංහ අද (2019 දෙසැම්බර් 27) වැඩ භාර ගන්නා ලදී.

නාවික හමුදාව විසින් ගංවතුරෙන් අපවිත්‍ර වී තිබු ඉබ්බන්කටුව වැවේ අපද්‍රව්‍ය ඉවත් කිරීමේ මෙහෙයුමක් 2019 දෙසැම්බර් 24 වන දින සිට මේ දක්වා ක්‍රියාත්මක කරමින් පවති.

නාවික හමුදාව ‌සහ පොලිස් විශේෂ කාර්ය බලකාය එක්ව 2019 දෙසැම්බර් 25 වන දින අනුරාධපුරය, පරසන්ගස්වැව ප්‍රදේශයේදී කේරළ ගංජා ග්‍රෑම් 165 ක් සමඟ පුද්ගලයෙකු නාවික හමුදා බාරයට ගෙන ඇත.

ජේසුස් ක්‍රිස්තූස් වහන්සේගේ උපත සැමරීම සඳහා යෙදුණු අසිරිමත් නත්තල් උත්සවයට සමඟාමීව 2019 දෙසැම්බර් 24 වන දින ශාන්ත අන්තෝනි දේවස්ථානයේ පැවති රාත්‍රී කැරොල් ගී ප්‍රසංගය සඳහා නාවික හමුදාව සිය දායකත්වය සපයන ලදී.

නාවික හමුදාව විසින් අද (2019 දෙසැම්බර් 25) උදෑසන කන්කසන්තුරය තල් සෙවන වෙරළ තීරයේ සිටි කැස්බෑවෙකු බේරා ගැනීමට සමත් වී ඇත.

නාවික හමුදාව ‌සහ මන්නාරම කොට්ඨාශ දුෂණ මර්ධන ඒකකය එක්ව අද (2019 දෙසැම්බර් 25) උදෑසන මන්නාරම, පෙරියකාර්සල් ප්‍රදේශයේදී කේරළ ගංජා කිලෝග්‍රෑම් 4.870 ක් සමඟ පුද්ගලයෙකු නාවික හමුදා බාරයට ගෙන ඇත.

නාවික හමුදාව විසින් 2019 දෙසැම්බර් 22 වන දින ගල්කිස්ස මුහුදු තීරයේ ගිලෙමින් සිටි පුද්ගලයෙකුගේ දිවි බේරා ගැනීමට සමත් විය.

පසුගිය දිනවල වයඹ පළාතේ පුත්තලම දිස්ත්‍රික්කයට බලපා තිබූ අයහපත් කාළගුණික තත්වය හේතුවෙන් අඩාල වූ ජන ජීවිතය යථා තත්වයට පත් කිරීමට උරදෙමින් සිටින නාවික හමුදාව පසුගිය දින කිහිපයේ සිට මේ දක්වා ගංවතුර හේතුවෙන් අපිරිසිදු වී තිබු පානීය ජල ළිං පිරිසිදු කිරීමට සහ නාවික හමුදා ජංගම ප්‍රති ආශ්‍රැත යන්ත්‍ර මගින් පිරිසිදු ජලය බෙදාහැරිමට කටයුතු කරමින් සිටී.

නාවික හමුදාව විසින් 2019 දෙසැම්බර් 24 වන දින ත්‍රිකුණාමලය, නිලාවේලි මුහුදු තීරයේ තහනම් දැල් භාවිතා කරමින් ධීවර කටයුතු වල නිරත වු පුද්ගලයින් හත්දෙනෙකු (07) නාවික හමුදා බාරයට ගෙන ඇත.