විශේෂ නියෝජිත ගෝර් මහතා, SLNS ගජබාහු නෞකාවේදී නාවික හමුදා මාණ්ඩලික ප්‍රධානී රියර් අද්මිරාල් ඩේමියන් ප්‍රනාන්දු මහතා හමුවිය. කලින් එක්සත් ජනපද වෙරළාරක්ෂක බලකායේ කොටසක් වූ සහ දැන් ශ්‍රී ලංකා නාවික හමුදා සේවයේ නියුතු මෙම නෞකාව, අප අතර පවතින දිගුකාලීන සමුද්‍රීය හවුල්කාරිත්වයේ ශක්තිය සංකේතවත් කරයි. එසේම, සිව්වන මින් පෙර එක්සත් ජනපද වෙරළාරක්ෂක කටර් නෞකාවක් වන ex-Decisive නෞකාව පැසිෆික් සාගරය හරහා දැන් ශ්‍රී ලංකාව වෙත ගමන් කරමින් සිටින අතර, එය අපගේ සමුද්‍රීය ආරක්ෂක හවුල්කාරිත්වය සහ කලාපීය සහයෝගීතාව තවදුරටත් ශක්තිමත් කරනු ඇත.

ජපාන ස්වයං ආරක්‍ෂක සමුද්‍රීය බලකායට අයත් “JMSDF OONAMI” නෞකාව සුහද සංචාරයක් සඳහා 2026 මාර්තු මස 09 වැනි දින දිවයිනට පැමිණි අතර, සුහද සංචාරය අවසන් කරමින්, සේවා අවශ්‍යතා සපුරා ගැනීමෙන් පසුව 2026 මාර්තු මස 11 වැනි දින දිවයිනෙන් පිටත් විය. “JMSDF OONAMI” නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම කොළඹ වරායේදී සිදු කෙරිණි.

ලෝක ස්ථූලතා දිනයට සමගාමීව “Healthy Weight – Wealthy Life.” යන තේමාව යටතේ කොළඹ විහාරමහාදේවි උද්‍යානය ආශ්‍රිත ප්‍රදේශයේ 2026 මාර්තු මස 07 වැනි දින පැවැති මහජන දැනුවත් කිරීමේ පාගමන සඳහා නාවික හමුදාව එක් විය.

2026 පෙබරවාරි මස 27 වැනි දින නිල සංචාරයක් සඳහා දිවයිනට පැමිණි ඉන්දීය නාවික හමුදාවට අයත් ‘INS TARANGINI’ නෞකාව නිල සංචාරය සාර්ථකව අවසන් කරමින් 2026 මාර්තු මස 09 වැනි දින දිවයිනෙන් පිටත්ව යන ලද අතර, එම නෞකාව වෙත ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව සමුදීම, කොළඹ වරායේදී සිදු කෙරිණි.

නිති විරෝධී ධීවර කටයුතු හේතුවෙන් සමුද්‍රීය පරිසරයට, සංචාරක කර්මාන්තයට සහ අනාගත පරපුරට සිදුවන අහිතකර බලපෑම පිළිබඳව උතුරු පළාතේ ධීවර ප්‍රජාව දැනුවත් කිරීමේ විශේෂ වැඩසටහන් මාලාවක්, උතුරු නාවික විධානයේ ආඥාපති රියර් අද්මිරාල් බුද්ධික ලියනගමගේ ගේ ප්‍රධානත්වයෙන් සහ ප්‍රදේශයේ නීතිය ක්‍රියාත්මක කරනු ලබන ආයතනයන්ගේ හා උතුරු පළාත් ධීවර සංගම් නියෝජිතයින්ගේ සහභාගීත්වයෙන්, 2026 මාර්තු මස 10 වැනි දින උත්තර ආයතනයේදී පැවැත්විණි.

අම්පාර පානම ප්‍රදේශ‍යේ පිහිටි, ශ්‍රී ලංකා නාවික නෞකා මහනාග ආයතන පරිශ්‍රයට අයත් භූමි ප්‍රදේශයේ සැරිසරමින් සිටි වෙඩි වැදීමෙන් තුවාල ලත් වන අලියෙකු වෙත අවශ්‍ය ප්‍රථිකාර කිරීම සඳහා වනජීවි සංරක්‍ෂණ දෙපාර්තමේන්තුව වෙත නාවික හමුදා සහය ලබා දීම, 2026 මාර්තු මස 10 වැනි දින සිදු කෙරිණි.

එක්සත් ජාතීන්ගේ මත්ද්‍රව්‍ය හා අපරාධ මැඩපැවැත්වීම සම්බන්ධ කාර්යාලය මඟින් (United Nations Office on Drugs and Crime - UNODC). ත්‍රීකුණාමලය, විශේෂ යාත්‍රා බලඝණ මූලස්ථානයේදී පවත්වන ලද යාත්‍රාවන් වෙත ප්‍රවිශ්ඨවීම, සෝදිසි කිරීම සහ අත්පත් කරගැනීමේ ක්‍රමවේදයන් සම්බන්ධ කලාපීය පුහුණු පාඨමාලාව සහ විශේෂිත උපකරණ පරිහරණය පිළිබඳ පුහුණු පාඨමාලාව සාර්ථකව අවසන් වූ අතර, එහි සහතික ප්‍රධානය, 2026 මාර්තු මස 06 වැනි දින විශේෂ යාත්‍රා බලඝණ මූලස්ථානයේදී සිදුකෙරිණි.

මාර්තු මස 12 වැනි දිනට යෙදී ඇති ‘ලෝක ග්ලුකෝමා දිනය’ වෙනුවෙන් කොළඹ නාවික මහ රෝහලේදී, ග්ලුකෝමා සායනයක් 2026 මාර්තු මස 03 වැනි දින පැවැත්විණි.

යාපනය පලෙයිතිව් දුපතේ ශාන්ත අන්තෝනි දේවස්ථානයේ වාර්ෂික දේව මංගල්‍යය 2026 මාර්තු මස 04 සිට 07 දක්වා ඉතා උත්කර්ශවත් අයුරින් පැවැත්විණි. යාපනය පදවිය භාර ගරු පී. ජෝසප්දාස් ජෙබරත්නම් පියතුමා ගේ මෙහෙයවීමෙන් පැවති ප්‍රධාන දේව මෙහෙයෙන් අනතුරුව, එම දේව මංගල්‍යය සාර්ථකව නිමාවට පත්වූ අතර, එම දේව මංගල්‍යය සාර්ථකව පැවැත්වීම සඳහා අවශ්‍ය යටිතල පහසුකම් සැලසීම නාවික හමුදාව විසින් සිදු කෙරිණි.

ජාත්‍යන්තර හමුදා ක්‍රීඩා කවුන්සිල (International Military Sports Council) දින සැමරුම් මාර්ග ධාවනය - 2026, ආරක්‍ෂක සේවා ක්‍රීඩා මණ්ඩලයේ සභාපති වශයෙන් කටයුතු කරනු ලබන නාවික හමුදාධිපති, වයිස් අද්මිරාල් කාන්චන බානගොඩගේ උපදෙස් හා මඟ පෙන්වීම මත ආරක්‍ෂක සේවා ක්‍රීඩා මණ්ඩලයේ හා ශ්‍රී ලංකා නාවික හමුදාවේ සංවිධායකත්වයෙන් සහ ශ්‍රී ලංකා යුද්ධ හමුදාධිපති ලුතිනන් ජෙනරාල් ලසන්ත රොද්‍රිගෝ ගේ ප්‍රධානත්වයෙන් අද (2026 මාර්තු 07) උදෑසන කොළඹ ගාලු මුවදොර පිටිය ආශ්‍රිත මාර්ගයේදි සාර්ථකව පැවැත්වීමට කටයුතු කෙරිණි.