කේරළ ගංජා තොගයක් සමග පුද්ගලයෙකු සහ කාන්තාවක් ස්ථාන දෙකකදී අත්අඩංගුවට ගැනීමට නාවික හමුදාව අද (11) සමත් විය.

සතුරු ප්‍රහාර හේතුවෙන් ආබාධිතව සේවයෙන් ඉවත්වූ නාවිකයන් වෙනුවෙන් පොලී රහිත ලක්ෂ 5 ක ණය මුදලක් ප්‍රදානය කිරීම ඊයේ (10) නාවික හමුදා මූලස්ථානයේදී, නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා අතින් සිදු කෙරිණි.

ශ්‍රී ලංකා නාවික හමුදාව මගින් සිවිල් ජනතාව වෙනුවෙන් ක්‍රියාත්මක කරනු ලබන ප්‍රජා සත්කාරක සේවාවන්හි තවත් එක් පියවරක් වශයෙන් උතුරු නාවික විධානයට අනුයුක්ත නිලධාරීන් සහ නාවිකයන් පිරිසක් විසින් කරෙයිනගර් ප්‍රාදේශීය රෝහල් පරිශ්‍රය අළුත්වැඩියා කිරීමේ සහ පිරිසිදු කිරීමේ වැඩසටහනක් ක්‍රියාත්මක කරන ලදී.

බුද්ධි තොරතුරක් මත ක්‍රියාත්මක වූ කිරින්ද වෙරළාරක්ෂක ස්ථානයට අනුයුක්ත නාවික හමුදා බුද්ධි අංශ නාවිකයන් පිරිසක් සහ කතරගම පොලිස් විශේෂ කාර්යය බළකායේ නිලධාරීන් පිරිසක් එක්ව පසුගිය 9 වන දින ඌව කුඩාඔය ප්‍රදේශයේ සිදු කළ සෝදිසි කිරීමකදී ගංජා කිලෝග්‍රෑම් 3 ක් සමග පුද්ගලයෙකු අත්අඩංගුවට ගන්නා ලදී.

ගාල්ල ධීවර වරායෙන් ධීවර කටයුතු සඳහා පිටත්ව ගොස් තිබූ “සුදු රුවන්” නැමති බහුදින ධීවර යාත්‍රාවේ සිටි ධීවරයින් ‍2 දෙදෙනෙකු අසාධ්‍ය රෝගී තත්ත්වයක් හේතුවෙන් අද (10) සවස ගොඩබිම වෙත රැගෙන ඒමට නාවික හමුදාව සමත් විය.

ඉන්දියානු වෙරළාරක්ෂක බළකායට අයත් සමුද්‍ර පෙහෙරිදාර් නෞකාව අද (10) සුහද සහ පුහුණු සංචාරයක් සඳහා කොළඹ වරායට සේන්දු විය.

පසුගිය 7 වන දින සුහද සංචාරයක් සඳහා මෙරටට පැමිණි ජපන් සාගරික ස්වයං ආරක්ෂක බළකායට අයත් නෞකා තුනෙහි ජ්‍යෙෂ්ඨ නිලධාරීන් අද (10) නාවික හමුදා මූලස්ථානයේදී නාවික හමුදාධිපති, වයිස් අද්මිරාල් රවීන්ද්‍ර වි‍ජේගුණරත්න මහතා හමුවිය.

වයඹ නාවික විධානයට අයත් සිලාවතුර හි පිහිටි ශ්‍රී ලංකා නාවික නෞකා ‍ථේරපුත්ත ආයතනයට ලැබුණු බුද්ධි තොරතුරක් මත ක්‍රියාත්මක වූ නාවිකයන් පිරිසක් ඊයේ (9) සිලාවතුර පොලීසිය සමග සිදු කළ සෝදිසියකදී පාලක්කූලි ප්‍රදේශයේ කේරළ ගංජා පැකට් 13 ක් සමග පුද්ගලයන් දෙදෙනෙකු අත්අඩංගුවට ගැනීමට සමත් විය.

උතුරුමැද නාවික විධානයට අයත් මන්නාරමෙහි පිහිටි ශ්‍රී ලංකා නාවික නෞකා ගජබා ආයතනයට අනුයුක්ත නාවිකයන් පිරිසක් විසින් පසුගිය 8 වන දින සවුත්බාර් ප්‍රදේශයට ඔබ්බෙන් වූ මුහුදු ප්‍රදේශයේදී තහනම් දැල් භාවිතා කරමින් නීති විරෝධී ලෙස ධීවර කටයුතුවල නිරත වූ ලාංකික ධීවරයෙකු අත්අඩංගුවට ගන්නා ලදී.

දින 5 ක සුහද සංචාරයක් සඳහා මෙරටට පැමිණි ජපාන නාවික හමුදාවේ “කෂීමා”, “සෙටොයුකි” සහ “අසගිරි” නෞකාවන්හි ආගන්තුක සත්කාර පිළිබිඹු කරමින්, අද (9) දහවල් උණුසුම් පිළිගැනීමේ උත්සවයක් ‘කෂීමා’ නෞකාවේදී සංවිධානය කර තිබිණි.