பூஸ்ஸ கடற்படை முகாமில் மற்றும் கற்பிட்டி பகுதியில் உள்ள கடற்படை தனிமைப்படுத்தப்பட்ட மையத்தில் தங்களது தனிமைப்படுத்தலை முடித்த மேலும் 20 நபர்கள் 2020 ஜூலை 09 மற்றும் 10 ஆம் திகதிகளில் குறித்த மையங்களை விட்டு வெளியேறினர்.

செல்லுபடியாகும் அனுமதி பத்திரங்கள் இல்லாமல் தலைமன்னார், பழைய இறங்குதுறை கடல்பகுதியில் சட்டவிரோத மீன்பிடியில் ஈடுபட்டிருந்த 06 நபர்கள் 2020 ஜூலை 09 ஆம் திகதி கடற்படையினரால் கைது செய்யப்பட்டனர்.

இலங்கை கடற்படை மற்றும் காவல்துறை சிறப்பு பணிக்குழு இணைந்து 2020 ஜூலை 09 ஆம் திகதி நிலாவேலி, நொரச்சோலை பகுதியில் மேற்கொண்டுள்ள கூட்டு நடவடிக்கையின் போது கேரள கஞ்சா கொண்ட ஒரு நபர் (01) கைது செய்யப்பட்டார்.

கொவிட் -19 வைரஸ் தொற்றுக்கு உள்ளாகி வைத்தியசாலையில் சிகிச்சை பெற்றுவந்த மேலும் ஒரு கடற்படை வீரர் மீது நடத்தப்பட்ட பீ.சீ.ஆர் பரிசோதனையின் பின் குறித்த வைரஸ் அவரின் உடலில் இல்லை என்பதை உறுதிப்படுத்தப்பட்டதுடன் அவர் 2020 ஜூலை 09 ஆம் திகதி வைத்தியசாலையில் இருந்து வெளியேறினார்.