ரியர் அட்மிரல் பிரசாந்த அந்தணி கடற்படை சேவையிலிருந்து ஓய்வு பெற்றார்

ரியர் அட்மிரல் பிரசாந்த அந்தணி இலங்கை கடற்படையில் 34 வருடத்திற்கும் அதிகமான சேவை காலத்தை நிறைவு செய்து இன்று (2025 மார்ச் 17) இன்று கடற்படை சேவையிலிருந்து ஓய்வு பெற்றார்.

கடற்படைத் தளபதி வைஸ் அட்மிரல் காஞ்சன பனாகொட தலைமையிலான கடற்படை முகாமைத்துவ சபை ரியர் அட்மிரல் பிரசாந்த அந்தணியின் 55வது பிறந்தநாளினை முன்னிட்டு இன்று கடற்படைத் தலைமையகத்தில் வைத்து வாழ்த்துக்களை தெரிவித்த பின்னர், கடற்படை மரபுப்படி அவருக்கு சிறப்பு மரியாதை அளிக்கப்பட்டது. பின்னர், சக அதிகாரிகளிடம் பிரியாவிடை பெற்று கடற்படை தலைமையகத்திலிருந்து கடற்படை வாகன அணிவகுப்பில் புறப்பட்ட ரியர் பிரசாந்த அந்தணியிற்கு சிரேஷ்ட மற்றும் கனிஷ்ட கடற்படையினர் கடற்படை மரபுப்படி மரியாதை செலுத்தினர்.

1990 ஆம் ஆண்டு 20 ஆவது ஆட்சேர்ப்பின் கெடட் அதிகாரியாக கடற்படையில் இணைந்து கொண்ட ரியர் அட்மிரல் பிரசாந்த அந்தணி, தனது 34 வருடங்களுக்கும் மேலான சேவையில் கெப்டன் மின் துறை (வடக்கு), கெப்டன் மின் துறை (மேற்கு), கொமடோர் மின் மற்றும் இலத்திரனியல் துறை (மேற்கு), துணை இயக்குநர் கடற்படை மின்சாரம் (மின்சாரம் மற்றும் தொலைபேசி) மற்றும் துணை இயக்குநர் கடல் ஆய்வு, கெப்டன் மின் துறை (தெற்கு), கொமடோர் மின் துறை (மேற்கு), மின்துறை தலைமைப் பொறியாளர் பாதுகாப்புப் பிரிவு, இயக்குநர் கடற்படை மின் நிர்வாகம் மற்றும் உயிரி மருத்துவப் பொறியாளர், இயக்குநர் கடற்படை மின் பயன்பாடு மற்றும் உயிரி மருத்துவப் பொறியாளர் மற்றும் இயக்குநர் கடற்படை மின் மற்றும் தொலைபேசி பொறியாளர் மற்றும் இயக்குநர் ஜெனரல் மின் மற்றும் இலத்திரனியல் பொறியாளர் ஆகிய முதன்மையான பதவி நிலைகளை வகித்த ஒரு புகழ்பெற்ற சிரேஷ்ட அதிகாரி ஆவார்.