பாதிக்கப்பட்ட மக்களின் வாழ்க்கையை மீட்டெடுக்க மனிதாபிமான உதவி மற்றும் பேரிடர் நிவாரணம் வழங்குவதில் கடற்படையின் தொடர்ச்சியான ஆதரவு

சீரற்ற வானிலையின் காரணமாக பாதிக்கப்பட்ட மக்களின் வாழ்க்கையை மீட்டெடுக்க மனிதாபிமான உதவி மற்றும் பேரிடர் நிவாரணம் உள்ளிட்ட அத்தியாவசிய சேவைகளை வழங்க கடற்படையால் செயல்படுத்தப்படும் சிறப்பு திட்டத்தின் கீழ், மக்களுக்கு பாதுகாப்பான போக்குவரத்து வசதிகளை வழங்குதல், பொது இடங்கள் மற்றும் குடிநீர் கிணறுகளை சுத்தம் செய்தல், சாலைகள் மற்றும் ரயில் பாதைகளை பழுதுபார்த்தல், பாலங்கள், நீர் சுத்திகரிப்பு நிலையங்கள் மற்றும் மதகுகளை பழுதுபார்ப்பதற்கு சுழியோடி உதவி வழங்குதல் மற்றும் பாதிக்கப்பட்ட மக்களுக்கு நிவாரணப் பொருட்களை விநியோகித்தல் ஆகியவற்றில் கடற்படை தொடர்ந்து பங்களிக்கிறது.

தற்போதைய நிலவரப்படி (2025 டிசம்பர் 13,) 15,555 பேரிடர் பாதிக்கப்பட்ட மக்கள் கடற்படைக் கப்பல்கள் மூலம் பாதுகாப்பாக கொண்டு செல்லப்பட்டுள்ளதுடன், மேலும் சுமார் 700 குடிநீர் கிணறுகள், 200க்கும் மேற்பட்ட பள்ளி கட்டிடங்கள் மற்றும் பொது இடங்கள் சுத்தம் செய்யப்பட்டு பொதுமக்களின் பயன்பாட்டிற்காக ஒப்படைக்கப்பட்டுள்ளன.

நேற்று (2025 டிசம்பர் 12,) நாத்தண்டிய மற்றும் சிலாபத்தில் ரயில் பாதைகளை பழுதுபார்ப்பதில் கடற்படை உதவி வழங்கியதுடன், பேராதெனிய சரசவி உயன ரயில் பாலம், பொக்காவல மற்றும் களுகமுவ பாலங்களை பழுதுபார்ப்பதற்கு சுழியோடி உதவி வழங்கியது மற்றும் மாத்தளை நீர் சுத்திகரிப்பு நிலையத்தில் நீருக்கடியில் பராமரிப்பு உதவிகளை வழங்கியது. மேலும், முல்லைத்தீவு நயாறு களப்பின் குறுக்கே உள்ள பாலங்கள் உடைந்துள்ளதால், நாயாறு களப்பு வழியாக கோகிலாய்க்கு மக்களை பாதுகாப்பாக கொண்டு செல்வதும், மா ஓயாவின் நிரம்பி வழிவதால் பதிவிய பகுதியில் மக்களை பாதுகாப்பாக கொண்டு செல்வதும் கடற்படை கப்பல்கள் மூலம் மேற்கொள்ளப்பட்டு வருகிறது.

மேலும், பாதிக்கப்பட்ட மக்களுக்கு உலர் உணவு விநியோகம் மற்றும் பொதிகள் தயாரிப்பதற்காக தலத்துஓயா பிரதேச செயலகத்திற்கு கடற்படை உதவி வழங்கியதுடன், கண்டியின் பவுலானா, மடவல மற்றும் கம்பளை பகுதிகளில் சேதமடைந்த சாலைகளை சுத்தம் செய்தல் மற்றும் பழுதுபார்ப்பதற்காக 2025 டிசம்பர் 12 அன்று கடற்படை உதவி வழங்கப்பட்டது.