திருகோணமலை கடற்படை மற்றும் கடல்சார் அகடமியின் ஆறாவது கட்டளைத் தளபதியாக கடமையாற்றிய லெப்டினன்ட் கமாண்டர் (பயிற்றுவிப்பாளர்) சோமசிறி தேவேந்திர (ஓய்வு பெற்ற) அவர்களுக்கு பாராட்டு விழா கடற்படைத் தளபதி வைஸ் அட்மிரல் பிரியந்த பெரேரா தலைமையில் இன்று (2024 செப்டம்பர் 08), கடற்படை மற்றும் கடல்சார் அகடமியில், அட்மிரல் வசந்த கர்ணாகொட கேட்போர் கூடத்தில் நடைபெற்றது.

வடக்கு கடற்படை கட்டளையின் இலங்கை கடற்படை கப்பல் உத்தர நிறுவன வளாகத்தில் நிறுவப்பட்ட வடக்கு கடற்படை கட்டளை பல் அறுவை சிகிச்சை அறையின் திறப்பு விழா 2024 செப்டெம்பர் மாதம் 06 ஆம் திகதி வடக்கு கடற்படை கட்டளை தளபதி ரியர் அட்மிரல் ரோஹித அபேசிங்கவின் தலைமையில் இடம்பெற்றது.

ஜெனரல் சேர் ஜோன் கொத்தலாவல பாதுகாப்பு பல்கலைக்கழகத்துடன் இணைந்த வெலிசர கடற்படை தாதியர் கல்லூரியின் 2021 மற்றும் 2022 ஆட்சேர்ப்புக்கான கடற்படை மற்றும் விமானப்படை தாதியர் மாணவர்களின் பட்டமளிப்பு விழா 2024 செப்டம்பர் 04 ஆம் திகதி ஜெனரல் ஜோன் கொத்தலாவ பாதுகாப்பு பல்கலைக்கழக மருத்துவமனை கேட்போர் கூடத்தில் நடைபெற்றது.

வெலிசர கடற்படை வளாகத்தில், கடற்படை அச்சிடும் பிரிவினால் வழங்கப்படும் சேவைகளை விரிவுபடுத்துவதற்காக நிறுவப்பட்ட டிஜிட்டல் அச்சிடும் இயந்திரத்தின் அச்சிடும் நடவடிக்கைகள் தொடங்கும் நிகழ்வு 2024 செப்டெம்பர் மாதம் 5 ஆம் திகதி பணிப்பாளர் நாயகம் பயிற்சி ரியர் அட்மிரல் புத்திக லியனகமகேவின் தலைமையில் நடைபெற்றது.

வவுனியா மடுகந்த புனர்வாழ்வு நிலையத்தில் புனர்வாழ்வு பெறும் இளைஞர்களுக்கான உயிர்காப்பு மற்றும் முதலுதவி பயிற்சி பட்டறையொன்று 2024 ஆகஸ்ட் மாதம் 20 ஆம் திகதி முதல் 30 ஆம் திகதி வரை இலங்கை கடற்படையினரால் நடத்தப்பட்டது.

வெலிசர கடற்படை படகுகள் கட்டும் தளத்தில் தயாரிக்கப்பட்ட இரண்டு குளிரூட்டப்பட்ட வேவ் ரைடர் வகையின் கரையோர ரோந்து படகுகளின் (Accommodation type Wave Rider IPCs - P 265 and P 266) செயற்பாடு நடவடிக்கைகள் தொடங்கும் நிகழ்வு வடமேற்கு கடற்படை கட்டளையின் தளபதி ரியர் அட்மிரல் தம்மிக்க விஜேவர்தன அவர்களின் தலைமையில் 2024 செப்டெம்பர் 02 ஆம் திகதி இலங்கை கடற்படை கப்பல் விஜய நிறுவனத்தில் இடம்பெற்றது.

இலங்கை கடற்படையின் பங்களிப்புடன் கொழும்பு ஹுனுப்பிட்டிய கங்காராம விகாரையில் நிறுவப்பட்ட சூரிய சக்தி அமைப்பு 2024 ஆகஸ்ட் 30 ஆம் திகதி ஜனாதிபதியின் தேசிய பாதுகாப்பு தொடர்பான சிரேஷ்ட ஆலோசகரும் ஜனாதிபதியின் தலைமை அதிகாரியுமான திரு.சாகல ரத்நாயக்க அவர்களின் தலைமையில் மற்றும் கடற்படைத் தளபதி வைஸ் அட்மிரல் பிரியந்த பெரேராவின் பங்குபற்றுதலுடன் திறந்து வைக்கப்பட்டது.

இலங்கை நிரந்தர மற்றும் தொண்டர் கடற்படைக்கு நேரடியாக ஆட்சேர்ப்பு செய்யப்பட்ட 24 அதிகாரிகளின் வெளியேறல் அணிவகுப்பு இன்று (2024 ஆகஸ்ட் 30) கடற்படை மற்றும் கடல்சார் அகாடமியின் கட்டளைத் அதிகாரி கொமடோர் ரொஹான் ஜோசப் அவர்களின் அழைப்பின் பேரில் கிழக்கு கடற்படை கட்டளைத் தளபதி ரியர் அட்மிரல் டேமியன் பெர்னாண்டோ அவர்களின் தலைமையில் திருகோணமலை கடற்படை மற்றும் கடல்சார் அகாடமியின் பிரதான பயிற்சி மைதானத்தில் இடம்பெற்றது.

உத்தியோகபூர்வ விஜயமொன்றை மேற்கொண்டு 2024 ஆகஸ்ட் 26 ஆம் திகதி இலங்கைக்கு வந்த சீன மக்கள் விடுதலை இராணுவத்தின் (Chinese People’s Liberation Army Navy) போர் கப்பல்களான “HE FEI”, “WUZHISHAN” மற்றும் “QILIANSHAN” என்ற மூன்று போர்க்கப்பல்கள் இலங்கைக்கான உத்தியோகபூர்வ விஜயத்தை வெற்றிகரமாக நிறைவு செய்து இலங்கை கடற்படை கப்பல் விஜயபாகுவுடனான கூட்டு கடற்படை பயிற்சியின் பின்னர் இன்று (2024ஆகஸ்ட் 29,) இலங்கை விட்டு வெளியேறியதுடன் இலங்கை கடற்படையினர் கொழும்பு துறைமுகத்தில் கடற்படை மரபுகளை பின்பற்றி புறப்படும் கப்பல்களுக்கு பிரியாவிடை வழங்கினர்.

உத்தியோகபூர்வ விஜயமொன்றை மேற்கொண்டு 2024 ஆகஸ்ட் 26 ஆம் திகதி இலங்கைக்கு வந்தடைந்த இந்திய கடற்படையின் ‘INS Mumbai’ கப்பல், தனது உத்தியோகபூர்வ விஜயத்தை முடித்துக்கொண்டு இலங்கை கடற்படைக் கப்பல் கஜபாஹுவுடன் இணைந்து நடத்திய கூட்டுப் பயிற்சியின் பின் இன்று (2024 ஆகஸ்ட் 29,) இலங்கை விட்டு வெளியேறியது. புறப்பட்ட கப்பலுக்கு கடற்படை மரபுகளை பின்பற்றி இலங்கை கடற்படையினர் கொழும்பு துறைமுகத்தில் பிரியாவிடை வழங்கினர்.