இந்திய-பசிபிக் பிராந்தியத்தில் கடற்படைகளுக்கு இடையிலான ஒத்துழைப்பை வலுப்படுத்தும் நோக்கில் உத்தியோகபூர்வ விஜயமொன்றை மேற்கொண்டு 2023 ஜூலை 20 ஆம் திகதி இலங்கைக்கு வந்தடைந்த ஜப்பான் கடல்சார் தற்காப்புப் படைக்கு சொந்தமான ‘SAMIDARE (DD-106)’ என்ற கப்பல் தனது உத்தியோகபூர்வ விஜயத்தை வெற்றிகரமாக நிறைவுசெய்து இன்று (2023 ஜூலை 29) இலங்கை கடற்படைக் கப்பல் கஜபாகு கப்பலுடன் நடத்திய கூட்டு கடற்படை பயிற்சியின் பின்னர் தீவிலிருந்து புறப்பட்டதுடன் குறித்த கப்பலுக்கு இலங்கை கடற்படை பாரம்பரிய கடற்படை பிரியாவிடை வழங்கியது.

இந்திய கடற்படைக்கு சொந்தமான ‘INS Khanjar’ என்ற கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூலை 29) திருகோணமலை துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

ஜெனரல் சேர் ஜோன் கொத்தலாவல பாதுகாப்பு பல்கலைக்கழகத்தில் தெற்கு வளாகத்தில் புதிதாக நிர்மாணிக்கப்பட்ட அனைத்து வசதிகளுடன் கூடிய கேடட் உத்தியோகத்தர்களுக்கான உணவு விடுதி மற்றும் தங்கும் விடுதி வசதிகள் பாதுகாப்பு அமைச்சின் செயலாளர் ஜெனரல் கமல் குணரத்ன (ஓய்வு) தலைமையில் இன்று (ஜூலை 28, 2023) மாணவர்களிடம் கையளிக்கப்பட்டது. இந்நிகழ்வில் கடற்படைத் தளபதி வைஸ் அட்மிரல் பிரியந்த பெரேராவும் கலந்துகொண்டார்.

தெற்கு சூடானில் ஐக்கிய நாடுகள் சபையின் அமைதி காக்கும் நடவடிக்கைகளில் பங்கேற்கும் பொலிஸ் விசேட அதிரடிப்படை குழுவிற்காக இலங்கை கடற்படையினரால் தயாரிக்கப்பட்ட நடமாடும் நீர் சுத்திகரிப்பு இயந்திரம் அந்தப் படையிடம் உத்தியோகபூர்வமாக கையளிக்கும் நிகழ்வு 2023 ஜூலை 25 ஆம் திகதி கடுகுருந்த பொலிஸ் விசேட அதிரடிப் படை பாடசாலையில் இடம்பெற்றது.

இலங்கை கடற்படையின் மற்றுமொரு சமூக நலத் திட்டமாக, பியகம, தரணாகம ஆரம்ப பாடசாலையில், பாடசாலை மாணவர்களுக்கான பல் மருத்துவ மனை மற்றும் விழிப்புணர்வு நிகழ்ச்சியொன்று, இன்று (2023 ஜூலை 27) கடற்படை பல் சேவைகள் பணிப்பாளர் மருந்துவ கொமடோர் நந்தனி விஜேதோரு அவர்களின் மேற்பார்வையில் இடம்பெற்றதுடன் இந்நிகழ்வில் கடற்படைத் தளபதி வைஸ் அட்மிரல் பிரியந்த பெரேராவும் கலந்து கொண்டார்.

இலங்கை கடற்படை கப்பல் சயுரலவின் 06வது ஆண்டு நிறைவை முன்னிட்டு, ஹம்பாந்தோட்டை கடற்கரையை மையமாகக் கொண்ட கடற்கரையை சுத்தப்படுத்தும் நிகழ்ச்சியொன்று இன்று (2023 ஜூலை 25) காலை கப்பலின் கட்டளை அதிகாரி கெப்டன் பிரசன்ன ஹெட்டியாராச்சியின் தலைமையில் மேற்கொள்ளப்பட்டது.

போதைப்பொருள் மற்றும் குற்றங்களுக்கான ஐக்கிய நாடுகளின் அலுவலகத்தின் உலகளாவிய கடல்சார் குற்றத் திட்டத்தின் (UNODC-GMCP) கீழ் கடல்சார் துறையில் சட்ட அமலாக்க முகமைகளுடன் இணைக்கப்பட்ட பெண் அதிகாரிகளுக்கான சிறப்பு கடலோர ரோந்து படகுகள் கையாளுதல் பயிற்சியொன்று 2023 ஜூலை 24 ஆம் திகதி திருகோணமலை கடற்படை மற்றும் கடல்சார் பீடத்தில் தொடங்கப்பட்டது.

இலங்கையின் நடைபெறுகின்ற ஒரே இணையத்தள மதிப்பீட்டுப் போட்டியான 'LK Domain Registry' நிருவனம் மூலம் நடத்தப்படுகின்ற 'BestWeb.lk 2023' போட்டியில், இலங்கை கடற்படையின் உத்தியோகபூர்வ இணையத்தளமான www.navy.lk பொதுத் துறையில் சிறந்த இணையத்தளப் பிரிவின் கீழ் தங்க விருதையும், 750க்கும் மேற்பட்ட இணையத்தளங்கள் பங்குபற்றிய ஒட்டுமொத்த போட்டியில் வெண்கல விருதையும் வென்றது.

33 வருடங்களுக்கும் மேலாக சிறப்பான சேவை மற்றும் இலங்கை கடற்படைக்கு குறிப்பிடத்தக்க பங்களிப்பை வழங்கியதன் பின்னர், ரியர் அட்மிரல் நிஷாந்த அமரோசா தனது புகழ்பெற்ற கடற்படை வாழ்க்கைக்கு இன்று (2023 ஜூலை 23) விடைபெற்றார்.

ஜூலை 26 ஆம் திகதி ஈடுபட்ட சர்வதேச சதுப்புநில பாதுகாப்பு தினத்தை முன்னிட்டு, சுற்றாடல் அமைச்சுடன் இணைந்து, 2023 ஜூலை 14 மற்றும் 21 ஆம் திகதிகளில் கல்பிட்டி கப்பலாடி பிரதேசத்திலும் மல்வத்துஓய முகத்துவாரத்தைச் சுற்றியுள்ள பகுதிகளிலும் சதுப்புநில மர நடுகைத் திட்டமொன்றை கடற்படையினர் மேற்கொன்டனர்