ரியர் அட்மிரல் காஞ்சன பானகொட வட மத்திய கடற்படை கட்டளையின் புதிய தளபதியாக 2023 ஜூன் 19 ஆம் திகதி கட்டளைத் தலைமையகத்தில் பதவியேற்றார்.

இந்திய கடற்படைக்கு சொந்தமான ‘INS Vagir’ என்ற நீர்மூழ்கிக் கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூன் 19) கொழும்பு துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

பாகிஸ்தான் கடற்படைக்கு சொந்தமான ‘PNS TIPPU SULTAN’ என்ற கப்பல் உத்தியோகபூர்வ விஜயமொன்று மேற்கொண்டு இன்று (2023 ஜூன் 18) கொழும்பு துறைமுகத்தை வந்தடைந்தது, இலங்கை கடற்படையினர் குறித்த கப்பலை கடற்படையின் பாரம்பரிய முறைப்படி வரவேற்றனர்.

இலங்கை நிரந்தர மற்றும் தன்னார்வ கடற்படையின் 251 ஆம் ஆட்சேர்ப்புக்கு சொந்தமான நிரந்தர கடற்படையின் இருநூற்று எழுபத்தெட்டு (278) கடற்படை வீரர்கள் மற்றும் தன்னார்வ கடற்படையின் ஐம்பத்திரண்டு (52) கடற்படை வீரர்கள் அவர்களின் அடிப்படை பயிற்சியை பூர்த்தி செய்து 2023 ஜூன் 17 ஆம் திகதி பூஸ்ஸ இலங்கை கடற்படை கப்பல் நிபுன நிருவனத்தில் நடந்த அணிவகுப்பு வைபவத்தின் போது வெளியேறிச் சென்றனர்.

ரியர் அட்மிரல் நளீன் நவரத்ன தென்கிழக்கு கடற்படை கட்டளையின் புதிய தளபதியாக 2023 ஜூன் 16 அன்று கட்டளைத் தலைமையகத்தில் பதவியேற்றார்.

யாழ்ப்பாணம் காங்கேசன்துறை துறைமுகத்தில் இருந்து இலங்கைக்கும் இந்தியாவுக்கும் இடையில் பயணிகள் போக்குவரத்துக் கப்பல் சேவையை ஆரம்பிப்பதற்கு கடற்படையின் தொழில்நுட்ப பங்களிப்புடன் மேற்கொள்ளப்பட்ட காங்கேசன்துறை துறைமுகத்தின் உட்கட்டமைப்பு விரிவாக்கத் திட்டம் வெற்றிகரமாக நிறைவடைந்ததன் பின்னர், அங்கு பயணிகள் முனையம் மற்றும் செயற்பாட்டு நடவடிக்கைகளுக்கான வசதிகள் திறந்து வைப்பு இன்று (2023 ஜூன் 16) துறைமுகங்கள், கப்பல் போக்குவரத்து மற்றும் விமான போக்குவரத்து அமைச்சர் கௌரவ. நிமல் சிறிபால டி சில்வா மற்றும் கடற்றொழில் அமைச்சர் கௌரவ. டக்ளஸ் தேவானந்த அவர்களின் தலைமையில் மற்றும் வடக்கு கடற்படை கட்டளை தளபதி ரியர் அட்மிரல் அருண தென்னகோன் அவர்களின் பங்களிப்புடன் இடம்பெற்றது.

கொச்சிக்கடை புனித அந்தோனியார் ஆலயத்தின் வருடாந்த பெருவிழா கொழும்பு பேராயர் மேதகு மல்கம் கார்தினல் ரஞ்சித் அவர்களின் தலைமையில் பெருந்திரளான கிறிஸ்தவ பக்தர்களின் பங்குபற்றுதலுடன் 2023 ஜூன் 13 ஆம் திகதி கொச்சிக்கடை புனித அந்தோனியார் தேவாலயத்தில் இடம்பெற்றது.

இலங்கைக்கு தெற்கு பகுதியில் உள்ள அவுஸ்திரேலிய தேடுதல் மற்றும் மீட்புப் வலயத்துக்கு சொந்தமான ஆழ்கடலில் 2023 மே 16 ஆம் திகதி கவிழ்ந்த 'LU PENG YUAN YU 028' என்ற சீன மீன்பிடிக் கப்பலில் இருந்த மீனவர்களை மீட்பதற்காக மிகவும் ஆபத்தான சூழ்நிலையில் தனது உயிருக்கு ஆபத்து இருந்தபோதிலும் இலங்கை கடற்படையால் மேற்கொள்ளப்பட்ட இந்த சிறப்பு சுழியோடி நடவடிக்கை சர்வதேச அளவில் பாராட்டப்பட்டது. மேலும் குறித்த நடவடிக்கையில் ஈடுபட்ட கடற்படை வீரர்களுக்கு கடற்படைத் தளபதி வைஸ் அட்மிரல் பிரியந்த பெரேரா இன்று (2023 ஜூன் 12) கடற்படைத் தலைமையகத்தில் பாராட்டுக் கடிதங்களை வழங்கினார்.

இலங்கை கடற்படையின் கல்விப் பாடநெறிகளில் சிறந்த செயல்திறனை வெளிப்படுத்திய இரண்டு அதிகாரிகளுக்கு பிரித்தானிய கடற்படை நிறுவனத்தின் (The Nautical Institute) இலங்கைக் கிளையினால் சான்றிதழ்கள் மற்றும் பலகைகள் வழங்கி வைப்பு கடற்படைத் தளபதி வைஸ் அட்மிரல் பிரியந்த பெரேராவின் மற்றும் பிரித்தானிய கடற்படை நிறுவனத்தின் இலங்கைக் கிளையின் தற்போதைய தலைவர் கொமடோர் ரவீந்திர திசேராவின் தலைமையில் 2023 ஜூன் 10 ஆம் திகதி கொழும்பு இலங்கை தொழில்சார் நிபுணத்துவ சங்கங்களின் நிறுவன அலுவலக வளாகத்தில் (Organization of Professional Associations of Sri Lanka) இடம்பெற்றது.

போதைப்பொருள் மற்றும் குற்றங்கள் தொடர்பான ஐக்கிய நாடுகளின் அலுவலகத்தினால் திருகோணமலை, விசேட படகுகள் படையணி தலைமையகத்தில் மற்றும் சோபர் தீவில் நடத்தப்பட்ட கப்பல்களுக்கு நுழைவு, தேடுதல் மற்றும் கைப்பற்றும் நுட்பங்கள் தொடர்பான பிராந்திய பயிற்சி நெறி வெற்றிகரமாக நிறைவடைந்ததுடன் அதன் சான்றிதழ்களை வழங்கும் நிகழ்வு 2023 ஜூன் 09 ஆம் திகதி விசேட படகுகள் படையணியின் நிர்வாக அதிகாரி கமாண்டர் பிசிபிஏ லியனகே தலைமையில் திருகோணமலை மலிமா சோபர் தீவு உணவகத்தில் நடைபெற்றது.