කල්මුණේ කාර්තිව් වෙරළට ගොඩගසන ලද මිනිමුතු මෝරෙකු නාවික හමුදා සහයෙන් නිරුපද්‍රිතව සාගරයට මුදාහැරේ
කල්මුණේ කාර්තිව් වෙරළට ගොඩගසන ලද මිනිමුතු මෝරෙකු (01) නැවත නිරුපද්‍රිතව ගැඹුරු මුහුද වෙත මුදා හැරීම සඳහා ශ්‍රී ලංකා නාවික හමුදාව 2023 දෙසැම්බර් මස 05 වන දින කටයුතු කෙරිණි.
කල්මුණේ කාර්තිව් වෙරළට මිනිමුතු මෝරෙකු ගොඩගසා ඇති බවට ගිණිකොන නාවික විධානයට අයත් ශ්‍රී ලංකා නාවික නෞකා දීඝායු ආයතනයට ලද තොරතුරක් මත වහාම ක්‍රියාත්මක වූ නාවික හමුදාව, කාර්තිව් වෙරළ නිරීක්‍ෂණ මධ්‍යස්ථානයට අනුයුක්ත නාවික පුද්ගලයන් සහ ප්‍රදේශවාසීන්ගේ සහය ඇතිව එම මිනිමුතු මෝරා ගැඹුරු මුහුදට යොමු කිරීම සඳහා අවශ්‍ය කටයුතු කෙරිණි.
