නීති විරෝධී ලෙස රැගෙන ඒමට උත්සාහ කළ බීඩි කොළ කිලෝග්රෑම් 1273 කට අධික තොගයක් හලාවත මුහුදේ දී නාවික හමුදා භාරයට
ශ්රී ලංකා නාවික හමුදාව, හලාවත ප්රදේශයට ඔබ්බෙන් වූ මුහුදු ප්රදේශයේ 2026 මාර්තු මස 15 වැනි දින සිදුකල විශේෂ සෝදිසි මෙහෙයුමකදී, නීති විරෝධී ලෙස රැගෙන ඒමට උත්සහ කල බීඩි කොළ කිලෝග්රෑම් එක්දහස් දෙසීය හැත්තෑ තුනකට (1273) අධික තොගයක් රැගත් ඩිංගි යාත්රාවක් (01) සමඟ සැකකරුවන් දෙදෙනෙකු (02) නාවික හමුදා භාරයට ගැනීමට කටයුතු කෙරිණි.
ඒ අනුව, බටහිර නාවික විධානයට අනුයුක්ත නාවික හමුදා යාත්රාවක් මඟින්, හලාවතට ඔබ්බෙන් වූ මුහුදු ප්රදේශයේ සිදුකල මෙම විශේෂ සෝදිසි මෙහෙයුමේදී, එම මුහුදු ප්රදේශයේ යාත්රා කරමින් තිබූ සැකකටයුතු ඩිංගි යාත්රාවක් පරීක්ෂාවට ලක්කෙරිණි. එහිදී, එම යාත්රාව තුල උර තිස් හතරක (34) අසුරා තිබූ බීඩි කොළ කිලෝග්රෑම් එක්දහස් දෙසීය හැත්තෑ තුනකට (1273) අධික තොගයක් සමඟ සැකකරුවන් දෙදෙනෙකු (02) සහ එම ඩිංගි යාත්රාව මෙලෙස නාවික හමුදා භාරයට ගැනීමට කටයුතු කෙරිණි.
තවද, මෙම මෙහෙයුම මඟින් නාවික හමුදා භාරයට ගත් බීඩි කොළ තොගය, සැකකරුවන් සහ ඩිංගි යාත්රාව ඉදිරි නීතිමය කටයුතු සඳහා කොළඹ වරායේ පිහිටි රේගු නිවාරන කාර්යාලය වෙත භාරදීමට කටයුතු කෙරිණි.
