ශ්‍රී ලංකා නාවික හමුදාව විසින් හලාවත වෙරළ ප්‍රදේශය ආවරණය වන පරිදි සිදු කළ විශේෂ සෝදිසි මෙ‍හෙයුමකදී නීති විරෝධී ලෙස මුහුදු මාර්ගයෙන් මෙරටින් සංක්‍රමණය වීමට උත්සහ කළ බවට සැක කෙරෙන පුද්ගලයින් 19 දෙනෙකු හලාවත දැදුරු ඔය මෝය ප්‍රදේශයේ දී 2021 නොවැම්බර් මස 09 වන දින උදෑසන නාවික හමුදා භාරයට ගත් අතර, වැඩි දුර විමර්ශණ වලදී අණාවරනය වූ තොරතුරු මත මෙම ජාවාරම සඳහා යොදා ගත් බවට සැක කෙරෙන බහුදින ධීවර යාත්‍රාවක් තවත් සැකකරුවන් පස් දෙනෙකු (05) සමඟ වෙන්නප්පුවට ඔබ්බෙන් වූ මුහුදු ප්‍රදේශයේ දී නාවික හමුදා භාරයට ගැනීමට 2021 නොවැම්බර් මස 09 වන දින දහවල් කටයුතු කෙරිණි.

අධික වැසි තත්ත්වය හමුවේ ආපදාවට පත්ව සිටි පුද්ගලයන් මුදා ගැනීම සඳහා ගත වු පැය 48ක කාලය තුළ (2021 නොවැම්බර් මස 08 සිට 10 දක්වා ) දිවයිනේ ප්‍රදේශ රැසක නාවික හමුදාව සිදු කළ ආපදා සහන මෙහෙයුම් මඟින් මේ වන විට පුද්ගලයින් 288 දෙනෙකු මුදා ගැනීමෙන් පසු ආරක්‍ෂිත ස්ථාන වෙත යොමු කර අවශ්‍ය සහන සැලසීමට කටයුතු කෙරිණි.

ශ්‍රී ලංකා නාවික හමුදාව මන්නාරම පේසාලේ ප්‍රදේශයේ අද (2021 නොවැම්බර් 09) සිදුකළ විශේෂ සෝදිසි මෙහෙයුමක් මගින් අයිස් මත්ද්‍රව්‍ය (Crystal Methamphetamine) ග්‍රෑම් 757ක පමණ ප්‍රමාණයක් සමඟ සැකකරුවකු අත්අඩංගුවට ගැනීමට කටයුතු කෙරිණි.

අධික වැසි තත්ත්වය හමුවේ ඇතිවු ගංවතුර තත්ත්වය හේතුවෙන් කල්පිටිය පාලවිය ප්‍රදේශයේ ආපදාවට පත්ව සිටි පුද්ගලයන් 71 දෙනෙකු 2021 නොවැම්බර් මස 08 දින රාත්‍රියේ මුදා ගැනීමෙන් පසු ආරක්‍ෂිත ස්ථාන වෙත යොමු කර අවශ්‍ය සහන සැලසීමට නාවික හමුදා සහන කණ්ඩායම් විසින් කටයුතු කෙරිණි.

දිවයිනට බලපා ඇති අයහපත් කාළගුණික තත්ත්වය හමුවේ ඉදිරියේ දී ගංවතුර අවධානමක් ඇති වුවහොත් ජනතාවට කඩිනමින් සහන සැලසීම සඳහා බටහිර සහ දකුණු නාවික විධානයන් තුළ නාවික හමුදා සහන කණ්ඩායම් 35ක් සූදානමින් තැබීමට නාවික හමුදාව විසින් කටයුතු කෙරිණි.

ශ්‍රී ලංකා නාවික හමුදාවේ දායකත්වයෙන් ගාල්ල ප්‍රදේශයේ ගිං ග‍ඟ හරහා ඉදි කර ඇති මුල්කඩ, අගලිය සහ දොඩන්ගොඩ යන පාලම් තුළ සිරවූ අපද්‍රව්‍ය ඉවත් කිරීමේ මෙහෙයුමක් 2021 නොවැම්බර් මස 03 සහ 04 යන දිනයන්හිදී ක්‍රියාත්මක කෙරිණි.

නාවික හමුදාව විසින් 2021 ඔක්තෝබර් මස 30 වන දින යාපනය, කකරතිව් දුපතේ සහ 2021 නොවැම්බර් මස 03 වන දින පුත්තලම, කුදිරමලේ තුඩුව හා මන්නාරම, කුදුඉරුප්පු ප්‍රදේශයට ඔබ්බෙන් වූ මුහුදු ප්‍රදේශයන්හි සිදු කළ සෝදිසි මෙහෙයුම් මඟින් නීති විරෝධී ලෙස මෙරටට රැගෙන ඒමට උත්සහ කළ වියලි කහ කිලෝ ග්‍රෑම් 4400ක පමණ තොගයක් සමඟ සැකකරුවන් අට දෙනෙකු (08) සහ යාත්‍රා දෙකක් (02) නාවික හමුදා භාරයට ගැනීමට කටයුතු කෙරිණි.

ශ්‍රී ලංකා නාවික හමුදාව සහ ශ්‍රී ලංකා වෙරළාරක්‍ෂක දෙපාර්තමේන්තුව එක්ව 2021 ඔක්තෝබර් මස 01 වන දින සිට ඔක්තෝබර් මස 31 වන දින දක්වා කාලය තුළ බටහිර, නැගෙනහිර, උතුර, උතුරු මැද, වයඹ සහ දකුණ යන නාවික විධානයන් කේන්ද්‍ර කර ගනිමින් සිදු කළ සෝදිසි මෙහෙයුම් මගින් නීති විරෝධී ලෙස ධීවර කර්මාන්තයේ යෙදුණු පුද්ගලයින් 112 ක්, ලොරි රථයක් සහ ධීවර යාත්‍රා 26ක් ඇතුළු ධීවර ආම්පන්න නීති‍යේ රැහැනට හසු කර දීමට කටයුතු කෙරිණි.

ශ්‍රී ලංකා නාවික හමුදාව විසින් පසු ගිය දෙසතිය තුල (2021 ඔක්තෝබර් මස 16 සිට 28 දක්වා) උතුරු මැද, සහ වයඹ නාවික විධානයන් ආවරණය වන පරිදි සිදු කල මෙහෙයුම් මගින් නීති විරෝධී ලෙස ඇල්ලු මුහුදු කූඩැල්ලන් ලඟ තබා ගත් පුද්ගලයන් ‍හත් ‍දෙනෙකු (07) සහ නීති විරෝධී ලෙස මෙරටට රැගෙන ඒමට උත්සහ කළ වියලි කහ කිලෝ 1120ක පමණ තොගයක් නීතියේ රැහැනට හසු කර දීමට කටයුතු කෙරිණි.

නාවික හමුදාව විසින් 2021 ඔක්තෝබර් මස 25 වන දින කල්පිටිය, ඉප්පන්තිවු දූපතට ඔබ්බෙන් වූ කළපු ප්‍රදේශයේ සහ වෙරළ තීරයේ සිදු කළ විශේෂ සෝදිසි මෙහෙයුම් මඟින් නීතී විරෝධී ලෙස මුහුදු මාර්ගයෙන් මෙරටට රැගෙන ඒමට උත්සාහ කළ වියලි කහ කිලෝග්‍රෑම් 1000ක පමණ තොගයක් සමඟ සැකකරුවන් 02ක් සහ ධීවර යාත්‍රා 03ක් නාවික හමුදා භාරයට ගැනීමට කටයුතු කෙරිණි.