නීති විරෝධී ලෙස රැගෙන ඒමට උත්සාහ කළ බීඩි කොළ කිලෝග්රෑම් 735 කට අධික තොගයක් මීගමුවේදී නාවික හමුදාව විසින් සොයා ගැනේ
ශ්රී ලංකා නාවික හමුදාව, මීගමුව කලපු ප්රදේශයේ 2026 ජුලි මස 22 වැනි දින සිදුකල විශේෂ සෝදිසි මෙහෙයුමකදී, නීති විරෝධී ලෙස මෙරටට රැගෙන ඒමට උත්සහ කල බීඩි කොළ තොගයක් රැගත් ඩිංගි යාත්රාවක් සමඟ සැකකරුවන් දෙදෙනෙකු නාවික හමුදාව විසින් නීතියේ රැහැනට හසුකර දීමට කටයුතු කෙරිණි.
බටහිර නාවික විධානයට අයත් ශ්රී ලංකා නාවික නෞකා කැළණි ආයතනය මඟින්, මීගමුව කලපු ප්රදේශයේ සිදුකල මෙම විශේෂ සෝදිසි මෙහෙයුමේදී, එම කලපු ප්රදේශයේ යාත්රා කරමින් තිබූ සැකකටයුතු ඩිංගි යාත්රාවක් පරීක්ෂාවට ලක්කෙරිණි. එහිදී, එම යාත්රාව තුල උර විස්සක (20) අසුරා තිබූ බීඩි කොළ කිලෝග්රෑම් හත්සිය තිස්පහකට (735) අධික තොගයක් සමඟ සැකකරුවන් දෙදෙනෙකු (02) සහ එම ඩිංගි යාත්රාව (01) මෙලෙස නාවික හමුදාව විසින් සොයා ගන්නා ලදි.
තවද, මෙම මෙහෙයුම මඟින් නාවික හමුදා භාරයට ගත් සැකකරුවන් වයස අවුරුදු 29 ත් සහ 32 ත් වයසේ පසුවන මීගමුව ප්රදේශයේ පදිංචි පුද්ගලයන් බවට හඳුනාගෙන ඇති අතර, එම සැකකරුවන්, ඩිංගි යාත්රාව සහ බීඩි කොළ තොගය ඉදිරි නීතිමය කටයුතු සඳහා කටුනායක රේගු නිවාරන කාර්යාලය වෙත භාරදීමට කටයුතු කෙරිණි.