අන්තර් විධාන කඹ ඇඳීමේ තරඟාවලිය, 2025 ජුනි මස 14 වැනි දින ශ්‍රී ලංකා නාවික නෞකා පණ්ඩුකාභය ආයතනයේදී සාර්ථකව පැවැත්වුනු අතර, බටහිර නාවික විධානය විසින් එහි පිරිමි ශූරතාවයත්, උතුරු මැද නාවික විධානය විසින් එහි කාන්තා ශූරතාවයත් දිනා ගැනීමට සමත් විය.

26 වැනි ආසියානු මලල ක්‍රීඩා ශූරතාවලිය, 2025 මැයි මස 27 සිට 31 දක්වා, කොරියානු ජනරජයේ ගුමි නගරයේදී (Gumi, Republic of Korea) සාර්ථකව පැවැත්විණි. එම ශූරතාවලියේ මිටර් 4x400 සහය දිවීමේ කාන්තා ධාවන ඉසව්ව සඳහා සහ මිටර් 4x400 සහය දිවීමේ මිශ්‍ර ධාවන ඉසව්ව සඳහා ශ්‍රී ලංකා කණ්ඩායම නියෝජනය කරමින් සහභාගී වූ නාවික හමුදා ක්‍රීඩිකා, සාමාන්‍ය කාන්තා නැවි ලක්‍ෂිමා මෙන්ඩිස් ඇතුළු කණ්ඩායම්, එම ඉසව්වන්ගේ තෙවන ස්ථානය දිනා ගනිමින් මව්බිමට ලොකඩ පදක්කම් දීනා දීම‍ට සමත්විය.

13 වන ආරක්‍ෂක සේවා වූෂූ තරඟාවලිය 2025 ජුනි මස 02 වැනි දින සිට 04 වැනි දින දක්වා අඹේපුස්ස ශ්‍රී ලංකා සිංහ රෙජිමේන්තු ගෘහස්ත ක්‍රීඩාගාරයේදී සාර්ථකව පැවැත්වුණු අතර, එහි පිරිමි සහ කාන්තා අනු ශුරතාවය නාවික හමුදාවට හිමි විය.

2025 මාර්තු මස 23 වන දින කොළඹ, බස්නාහිර පළාත් හෝමාගම, SAPCE PARK උද්‍යංගණයේ පැවති 05th Mr. Master/Physique/Hercules 2025 තරඟාවලියේදී නාවික හමුදා කායවර්ධන කණ්ඩායම ජයග්‍රහණ රැසක් දිනා ගැනීමට සමත් විය.

2024/2025 අන්තර් සමාජ දස සාමාජික කාන්තා රග්බී තරඟාවලිය, 2024 වර්ෂයේ දෙසැම්බර් මස28 වැනි දින සිට 2025 වර්ෂයේ මාර්තු මස 14වැනි දින දක්වා පැවැත්වූනු අතර, එම තරඟාවලියේ 2025 මාර්තු මස 14 වැනි දින සිආර් ඇන්ඩ් එෆ්සි ක්‍රීඩා සමාජය සමඟ වැලිසරදී පැවති අවසන් තරඟයෙන් ලකුණු 61-05 ක් ලෙස විශිෂ්ඨ ජයක් ලබා ගනිමින් අන්තර් සමාජ කාන්තා රග්බි ශූරතාවය නාවික හමුදාව දිනා ගැනීමට සමත් විය.

13 වන ආරක්‍ෂක සේවා වෙරළ වොලිබෝල් ශූරතාවලිය 2025 මාර්තු මස 12 වන දින සිට 14 වන දින දක්වා කටුනායක, ශ්‍රී ලංකා ගුවන් හමුදා කඳවුර තුල පිහිටා ඇති වෙරළ වොලිබෝල් ක්‍රීඩාංගනයේදී පැවති අතර, එහීදී නාවික හමුදාව එහි ශූරතාවය දිනා ගැනීමට සමත් විය.

තරුණ කටයුතු හා ක්‍රිඩා අමාත්‍යාංශයේ මූලිකත්වයෙන් සහ ජාතික රයිෆල් සංගමයේ දායකත්වයෙන් “ජාතික රයිෆල් වෙඩි තැබිමේ තරඟාවලිය - 2025”, තරඟාවලිය දෙස් විදෙස් තරඟකරුවන්ගේ හා විනිසුරුවරුන්ගේ සහභාගීත්වයෙන් 2025 මාර්තු මස 06 වැනි දින සිට 08 වැනි දින දක්වා, පූනෑව පිහිටි නාවික හමුදා වෙඩි පිටියේදී සාර්ථකව නිමාවට පත්විය. ආරක්‍ෂක අමාත්‍යංශයේ ලේකම්, එයාර් වයිස් මාෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් සහ ත්‍රිවිද හමුදාධිපතිවරුන්ගෙන් සහභාගීත්වයෙන් තරඟාවලියේ ත්‍යාග ප්‍රදානෝත්සවය, මිහින්තලේ මාලිමා නිකේතනයේදී පැවැත්විණි.

ශ්‍රී ලංකා නාවික හමුදා අන්තර් විධාන හොකී තරඟාවලිය, 2025 මාර්තු මස 04 වැනි දින සිට 07 වැනි දින දක්වා වැලිසර, ශ්‍රී ලංකා නාවික නෞකා ලංකා ආයතනයේ හොකී ක්‍රීඩා පිටියේදී පැවති අතර, එහි පිරිමි ශූරතාවය බටහිර නාවික විධානය විසින් සහ කාන්තා ශූරතාවය පුහුණු නාවික විධානය විසින් දිනා ගැනීමට සමත්විය.

13 වන ආරක්‍ෂක සේවා තුන්ප්‍රයාම තරඟාවලිය - 2025, අනුරාධපුර තිසා වැව ආශ්‍රිතව 2025 මාර්තු මස 06 වැනි දින පැවති අතර, තරඟාවලියේ පිරිමි අංශයේ ප්‍රථම ස්ථානය දිනා ගැනීමට නාවික හමුදාව නියෝජනය කළ නායක කිමිදුම් ජේඩිපිපි ජයසිංහ සමත් විය.

ශ්‍රී ලංකා ගුවන් හමුදාවේ 74 වැනි සංවත්සරයට සමඟාමිව 26 වැනි වරටත් සංවිධානය කරන ලද “ගුවන් හමුදා පාපැදි සවාරිය 2025” 2025 පෙබරවාරි මස 28 වැනි දින සිට මාර්තු මස 02 වැනි දින දක්වා අධියර තුනකින් (03) පැවැත්වුණු අතර, එහි වීරවිල සිට රත්නපුරය දක්වා පැවති පළමු අධියරෙහි ජයග්‍රහනය නාවික හමුදාව වෙත හිමිකර දීමට නායක නැවි ඩීඒඑස් ප්‍රසංග සමත් විය.